हराउन थाल्यो गाँउघरमा ढिकी र जाँतो
कुटानी पिसानीका परम्परागत साधन ढिकी र जाँतो आजभोलि गाँउघरबाट विस्तारै हराउँदै जान थालेका छन् । पेट्रोल, डिजेल, मट्टीतेल र बिजुलीबाटचल्ने आधुनिक कुटानी,पिसानी मेसिनहरू गाउँघरमा छ्यास्छ्यास्ती पुग्न थालेपछि ढिकी र जाँतोको प्रयोग हराउँदै जान थालेको हो ।
विद्युत र अन्य उर्जाबाट चल्ने आधुनिक मेसिनले गाउँलेहरूको जीवनस्तरमा परिवर्तन ल्याएको छ । गाउँघरमा जस्को घरमा ढिकी र जाँतो चल्दैन, उसको घरमा चुलो बल्दैन भन्ने पुरानो चलन अहिले हटिसकेको छ ।
बिहान सबेरै ढिकी र जाँतो चलाउन नपर्दा महिलाहरूले समयको वचत र सुखको अनुभुती गर्न थालेका छन् ।
महङ्गा मेसिनबाट कुटानी पिसानी गर्दा ज्याला महङ्गो पर्न जान्छ । तरपनि अन्य कामका लागि समेत फुर्सद मिल्ने भएकाले ढिलै भएपनि केही सुख पाएका छौं कास्कीको थुमाकोडाँडा निवासी सीता सापकोटाले भन्नुभयो।
July 30, 2008 + Posted in समाचार र बिचार +