अतिथी कक्ष, लेख रचनाJuly 16, 2008 8:55 pm
—राकेश कार्की/लस् एन्जेलस्
देश लुट्नेहरु लुटीरहेछन् अझै
जनता भुट्नेहरु भुटीरहेछन् अझै
शत्ति-बरदान दिने मतदातालाई नै
उल्टै नङ्ग्याएर चुटीरहेछन् अझै
कहिले ब्यारेक कहिले शिविर भित्र
ज्यानै लिने गरी कुटीरहेछन् अझै
राष्ट्पति, प्रधानमंत्री बन्ने अहंकारले
कुकुर बिराला झैँ फुटीरहेछन् अझै
दरबार खाली गराउने र जोगाउने फौज
मल्ल युद्ध लड्न जुटीरहेछन् अझै
यत्रो संविधान कोर्ने खुशीयालीमा पनि
दु:खी मनहरु टुटी रहेछन् अझै
जताततै टायर र पुत्ला जलेपनि
शान्तिका दियोहरु छुटीरहेछन् अझै
Source :साहित्य घर
यी नेताहरुको काम नै आफु धनी बन्ने र आफ्नो पोल्टा भर्ने नै त हो नि । जुन जोगी आए पनि कानै चिरेको । अझ सम्म सुल्झिएको होइन राष्ट्रपतिको मुद्धा ।
Comment by Rabin — July 17, 2008 @ 8:07 pm
नेपाली यस्तै छ नेपाली यस्तै छन के गर्ने र अब
सबै उस्तै हुन .
Comment by Dinesh — July 17, 2008 @ 8:07 pm