सद्दामलाइ फाँसी
इराकि पुर्ब राष्ट्रपति सद्दाम हुसेनलाइ नेपाली समय अनुसार २०६३ पौष १५ गते बिहान पौने ९ बजे फाँसि दिइएको छ । आफ्नो शासनकालमा अत्याचारको सिमापार गरेका, इराकमा अमेरिकी आक्रमणपछि माकुरे दुलामा लुक्न बाध्य हुसेनलाइ अमेरिकि सेनाले सन् २००३ डिसेम्बर १३ मा पक्राउ गरेको थियो । सद्दामलाइ फाँसिको सजाय सुनाइएको धेरै भएको छैन र कसैलाइ पनि सद्दामलाइ यति छिटो फाँसि दिइएला भन्ने ठानेका थिएनन् । सद्दामलाई फाँसि दिइएको भिडियो मैले यहा राखेको छु हेर्नको लागि भित्र आउनु होला..
दोस्रो भिडियो मोवाइलबाट खिचिएको भनिएको छ यि भिडियो मैले लाइभ लिक डटकमबाट लिएको हुँ
सद्दामलाइ फाँसि दिइदै गरेको दृष्य
उक्त फाँसिको बारेमा कान्तिपुर समाचार पत्रमा छापिएको समाचार
मानव सभ्यताविपरीत सद्दामलाई फाँसी
कास
विराटनगर, पुस १५ – प्रधानमन्त्री गिरिजाप्रसाद कोइरालाले सद्दाम हुसेनको मृत्युदण्ड मानव सभ्यताविपरीत भएको प्रतिक्रिया दिएका छन् । गृहनगर विराटनगरमा शनिबार सञ्चारकर्मीसित कुरा गर्दै उनले मृत्युदण्ड दिने चलन विश्वबाटै हटाउनुपर्ने विचार व्यक्त गरे ।
‘मानव सभ्यता विकास क्रममा यो समयमा आएर मृत्युदण्ड राम्रो होइन । नेपालले मृत्युदण्डको सजाय धेरैअघि हटाइसकेको छ । कसैलाई पनि मृत्युदण्ड दिने कुरा राम्रो होइन, यसलाई विश्वबाटै अन्त्य गर्नुपर्छ,’ कोइरालाले भने ।
त्यस्तै, घटनाको नेपाली राजनीतिक दल, मानव अधिकारवादी र मुस्लिम संघसंस्थाहरूले पनि कडा विरोध गरेका छन् । ‘अमेरिकी कठपुतली सरकार’ ले मानव अधिकारका पक्षमा उठिरहेको विश्वव्यापी आवाजलाई लत्याउँदै फाँसी दिएर मानवताविरोधी अपराध गरेको उनीहरूको टिप्पणी छ ।
एमालेले एक्काइसौं शताब्दीमा फाँसीको सजाय मानवताविरोधी भन्दै भर्त्सना गरेको छ ।
उक्त फाँसिको बारेमा गोरखापत्रमा छापिएको समाचार
सद्दाम हुसेनलाई मृत्युदण्ड [ 2063-9-16 ]
गोरखापत्र समाचारदाता
काठमाडौँ, पुस १५ गते । विश्वकै तानाशाह भनेर चित्रित गरिएका इराकका पर्ूवराष्ट्रपति सद्दाम हुसेनलाई आज इराकको बगदादमा झुण्ड्याएर मृत्युदण्ड दिइएको समाचार विभिन्न अन्तर्रर्ााट्रय संस्थाहरूले पठाएका छन् ।
एपीले बगदादबाट पठाएको समाचारमा सद्दामलाई नेपाली समय करिब ८ः४५ बजे झुण्ड्याइएको र त्यसबेला इराकमा भरखर बिहानको उज्यालो हुन लागेको थियो ।
कालो कोट, ट्राउजर र टोप लगाएर मृत्युदण्डका लागि तख्तामा चढाउन लगिएका सद्दाम अन्तिम क्षणमा पनि कति पनि विचलित देखिएका थिएनन् ।
उनलाई घाँटीमा डोरी लगाउनुभन्दा केही क्षणअघि उनको टोप फुकाल्न लगाइएको एसोसिएट प्रेसले बगदादबाट पठाएको समाचारमा जनाइएको छ ।
उनलाई झुण्ड्याउनुअगाडि केही भन्नु छ कि भनेर सोधिएको थियो तर सद्दामले त्यसको जवाफमा “छैन, म केही भन्न चाहन्न”, भनेको झुण्ड्याउने स्थानमा उपस्थित अल अस्कारीलाई उद्धृत गर्दै पठाइएको समाचारमा जनाइएको छ ।
उनलाई तख्तामा चढाउन लगिएपछि उनले आफ्नो मुख छोप्न इन्कार गरेका थिए र मुख छोप्ने कपडा घाँटीमा बाँधिएको थियो । उनको घाँटीमा डोरी लगाउनुपहिले सद्दामले चिच्याएका थिए- “ईश्वर महान् छन्”, देश विजयी हुनेछ र प्यालेस्टाइन अरब हो, अल अस्कारीले बताउनुभयो ।
सद्दामलाई पर्ूव सैनिक गुप्तचर संस्थाको मुख्यालय भएको स्थान अर्थात बगदादस्थित काजीमिया नजिकै झुण्ड्याइएको थियो । सोही स्थानमा विगतमा सद्दामले धेरैलाई झुण्ड्याएर मृत्युदण्डको सजाय दिने गरेको प्राप्त समाचारमा जनाइएको छ ।
सद्दामलाई इराकी अदालतले ५६ दिनअघि सद्दामलाई इराकको डुजाइल क्षेत्रमा १४८ जनाको हत्यामा उनको हात रहेको आरोप सावित गर्दै मृत्युदण्डको सजाय सुनाएको थियो ।
इराकको माथिल्लो अदालतले सद्दामको पुनरावेदनलाई अस्वीकार गर्दै उनलाई ३० दिनभित्र मृत्युदण्ड दिन आदेश दिएको थियो ।
यसैगरी राससका अनुसार इराकी पर्ूवराष्ट्रपति सद्दाम हुस्सेनलाई मृत्युदण्ड दिइएको घटनालाई ‘दुखान्त’को संज्ञा दिँदै भ्याटिकनले कडा निन्दा गरेको छ ।
होलि सिका प्रवक्ता फेडेरिको लोम्बार्डर्ीीरा प्रकाशित एक विज्ञप्तिमा सद्दामको हत्याले बदलाको भावनालाई वृद्धि गर्न मलजल गर्ने र इराकमा थप नयाँ हिंसात्मक घटनाहरू हुने उल्लेख गरिएको छ ।
“कुनै पनि व्यक्तिको हत्या गरेर न्यायको निर्माण हुन सक्दैन र मेलमिलापको समाज बनाउन सक्दैन । बरू बदला लिने भावनालाई जीवन्त तुल्याइएको हुन्छ ।”
लिवियाले इराकी अपदस्थ राष्ट्रपति सद्दाम हुस्सेनको निधनमा दुःख प्रकट गर्न तीन दिनसम्म शोक मनाउने घोषणा गरेको छ । लिवियाको राष्ट्रिय ध्वजा आधा झुकाइनुका साथै सबै प्रकारको इद उत्सव पनि रद्द गरेको घोषणा गरेको छ ।
लिवियाका राष्ट्रपति मोहमद गद्दाफीले सद्दामलाई दिइएको न्यायिक फैसला गैरकानुनी भएको भन्दै स्व. सद्दामलाई अन्तर्राट्रिय न्यायालयमा राखी छानबिन गर्नुपर्ने बताउनुभयो ।
December 31, 2006 + Posted in समाचार र बिचार, नेपाल बाहिर +